God sommar til alle lesarane våre!

Mor deira er ein raud panda frå Himalaya som er utrudningstruga og difor er dette ekstra gledeleg. Ein panda føder så bittesmå ungar at det er vanskeleg å sjå om ei hoe er gravid eller ikkje. No følgjer dyrepassaren nøye på at pandamora passar godt på dei nyfødde små. Held dei varme og gir dei nok mjølk. Sidan dei er så bittesmå og heilt blinde er det veldig viktig at mor klarer å ta godt vare på dei den første tida. Pandaungar er nemleg heilt hjelpelause, ja akkurat som vi er når vi er spebarn. Men fram til no ser det ut til at den unge mora er ei skikkeleg flink mor.

Norsk Barneblad gratulerer vesle pandamor og ønskjer henne og dei to små nøsta hennar ein retteleg god og varm sommar! Måtte dei to små vekse til og trivast.

Foto Ole Martin Buene/Dyrparken

Fyrst trur dei bandet må ha eit internasjonalt namn, men møtet med dei strikkande kvinnene i lokallaget av Raudekrossen fører dei inn på andre tankar. Det endar med at heimleg ull vert både kostyme og namn på bandet.

Esko-Pekka Tiitinen er utdanna førskulelærar og musikkpedagog. Han bur i Outokumpu i Nord-Karelen, der han teiknar og målar, musiserer og skriv bøker og dramatikk, mest for born og ungdom. For Ulltoppane fekk han Finlandiaprisen, den høgste prisen i Finnland for barne- og ungdomsbøker.

Boka er omsett til norsk av Liv Hatle

Norske barn gjer faktisk mykje ulovleg på nettet. Vi snakkar om tradisjonell hacking, om mobbing, dei lyg om andre, gamblar og slår ned folk for så å legge ut video av det. Ja 3 av 10 norsk barn trur det er lov å mobbe andre på nettet. Dette fortel Elisabeth Staksrud som er stipendiat ved Universitet i Oslo og som skriv doktorgrads-oppgåve om barn og unge i sosiale mediar.

Dei fleste unge veit heller ikkje at dei ikkje kan ta eit bilete av andre og legge det ut på nettet eller dele det med andre, utan å be om løyve først. Og er eit bilete først kome ut på nettet er det så godt som umulig å få det fjerna. Så eit “feil” foto på facebook kan forfølgje ein stakkar i årevis.

Mange mobbesaker startar på nettet og blir til straffbare handlingar ute på gata. I landet vårt er det no ei auke i straffesaker som er knytt til brot på lova om personvern og mobbesaker.

Dei fleste foreldre anar ikkje kva ungane deira driv med på nettet og ungane seier heller ingenting. 14 % av dei unge fortel at dei mobbar andre på nettet, men berre 1 % av foreldra trur at deira barn kan gjere noko slikt.

Veldig flott bok av den franske forfattaren Anna Gavalda.

Omsett frå fransk til bokmål av Tove Bakke.

Boka kan lånast på biblioteket eller kjøpast i ein bokhandel.

1. mai opnar verdsutstillinga som er den største nokonsinne, i Shanghai. I 184 dagar vil utstillinga vare og mellom 70 og 100 millionar menneske er venta å kome innom. Heile 242 land og organisasjonar er påmelde som utstillarar.

EXPO 2010 har som tema ”Betre byar, betre liv”. Byliv er for første gong tema for ei verdsutstilling. Norske byar er få og små, men dei har noko til felles. Det er vere seg kyst og hav, fjell eller skog. Menneska i dei norske byane bur nær natur, i og rundt byen. På EXPO 2010 har Noreg kalla sin utstillings-paviljong ”Norway. Powered By Nature”. Noreg vil vise korleis naturen er ei kjelde til betre trivsel i byane, gjennom opplevingar, inspirasjon og reinare energi. Bileta viser korleis ein tenker seg den norske pavilijongen og utstillinga inne i han. Og til venstre ser vi frå bygginga av pavilijongen. Truleg vil minst 3 millionar menneske sjå den norske utstillinga.

Og har du ikkje abonnement kan du be mor eller far tinge eit for deg. det gjer du på denne sida.

I fjor var Michael Reynolds i Noreg og heldt kurs for studentane ved Bergen Arkitektskole. Han fortel at folk tvilte på om denne søppelbyggemåten kunne vere bra nok i eit kaldt land som vårt. Saman med studentane bygde han eit opphaldsrom etter jord-skip-metoden. Romet blei isolert med pappkassar frå nærbutikkane, med gamle dører, vindauge og plankar frå søppelfyllinga. Reynolds meinar at dette romet er det mest behagelege på heile arkitektskolen. Rektor for Bergen Arkitektskole, Marianne Skjulhaug, vil halde fram samarbeidet med Reynolds. Ho meinar at dette arbeidet er viktig og at ideane til Reynolds er interessante.

Så kanskje kan du i framtida velje om du vil bo i eit vanleg hus eller i eit jord-skip?

Kjelde: Dagbladet

Her kan du kose deg med andre sine flausar. Send inn di eiga til nana@norsk-barneblad.no og få premie tilsendt i posten!

Vesketrøbbel

Eg hadde fått ny og råkul skulderveske. Søster og eg skulle på tur i byen, og eg tok på eit kort, vidt skjørt i tynt stoff med masse foldar og ei lita t-skjorte. Veska tok eg på skrå over skuldra, slik ein plar ha skuldervesker. Etter ei stund merka eg at folk stira på meg, men eg kunne ikkje forstå kvifor. Så begynte søster å le hysterisk. Veska som hang og slang mot rumpa mi, drog opp stoffet i skjørtet så heile trusa mi syntest.

Aldri meir korte skjørt og lang skulderveske.

På SFO

Dette skjedde for nokre år sidan då eg gjekk i tredje klasse. Vi var på SFO, og eg og venninna mi var på eit leikerom heilt for oss sjølve. Eg kjente at eg måtte veldig prompe, og eg spurde henne om det var greitt. Ho sa ja, og eg prompa ein skikkeleg blaut og illeluktande ein. Då sprang ho ut av rommet og ropte at Elise hadde prompa. Masse gutar begynte å rope sånn BÆBUBÆBU og leika brannmenn som måtte redde folk frå den giftige gassen. Det var skikkeleg dumt.

Elise

Uppsi!

Det var skuleavslutning, og alle var samla i gymsalen. Eg skulle lese eit dikt rett etter at rektor hadde framført ein liten tale til alle elevane. Då eg hadde lese diktet og skulle gå ned frå talarstolen, snubla eg i skolissa mi og tryna rett ned framfor alle elevane på heile skulen. Det var så pinleg at eg orkar nesten ikkje å tenke på det.

Skolissa

Ojsan!

Eg var på kafé saman med bestevenninna mi. Eg hadde ein liten kul svart kjole på. Vi drakk masse cola, og eg måtte snart på toalettet. Då eg kom ut, såg eg at folk såg på meg, men eg tenkte dei syntest eg var pen og kul. Men då eg skulle kjøpe eit stykke sjokoladekake og gjekk mot disken, ropa venninna at eg måtte kome tilbake til bordet vårt. Eg hadde dytta kjolen oppi trusa då eg var på do. Ikkje rart folk såg på meg. Eg trudde eg skulle besvime. Så flau har eg aldri vore før.

Kristine

I det fri finst han nesten ikkje lenger. Xochimilco-sjøen i det sentrale Mexico er einaste staden der han lever i sitt naturlege element. Ja, som vill er han utrudningstruga, men sidan han er så populær som akvarie-salamander så døyr han nok ikkje ut med det første.

Axoltlen blir brukt som forskningsdyr. Det finst fleire mutasjonar. Ja, forskarane har til og med avla fram ein som er sjølvlysande grøn. Og om det ikkje var nok så er axolotlen rekna som ein delikatesse blant enkelte folk. God som grilla seier de.  Huff og huff!

Axolotlen lever til han er 10 – 15 år gammal. Han kan faktisk bli 45 cm lang. Men det vanlege er omtrent 20 til 25 cm lang.

Vil du vite meir så kan du lese på http://no.wikipedia.org/wiki/Axolotl

Dette kan du lese i Norsk Barneblad denne månaden.

Men vi kom i skade for å trykke eit foto av to knoppsvaner. Det kan du sjå på den svarte kulen knoppsvanene har høgt oppe på nebbet. Ein slik svart kul har ikkje songsvanene ellers er dei like vakre begge to :-) Men her har du fire songsvaner på tur.

Takk til Sofie.

Det var eit folkekrav av Anette skulle få vere den første til å prøve bakken offisielt. Ei eiga gruppe på Facebook med tusentals medlemmer har sagt sitt. Ja, i alle avstemmingar på nettet har ho heile tida hatt flest stemmer anten det var på heimesidene til Aftenposten, VG eller Nettavisa.

Norsk Barneblad gratulerer den tøffe dama og gler oss til å sjå ho sveve ned Holmenkollen. Det har ho fortent. Ingen har gjort meir for jentehopping enn Anette Sagen.

Ein skule i Nordland vil belønne elevar utan fråver frå skolen. Men ikkje alle syns det er ein god ide. Dei fleste av oss meinar at det å møte opp på skolen er viktig og ikkje noko ein skal bli belønna for å gjere. Kva tenker du om dette?  Gå inn på ordskifte og legg inn di meining om saka.

Smelt feitt i ei panne og bland inn litt fuglefrø.  Har du ikkje fuglefrø kan du også bruke brødsmular. Hell blandinga i små jogurtbeger. Sett dei i kjøleskapet over natta så blandinga stivnar skikkeleg. Dagen etter kan du legge dei på fuglebrettet eller henge dei opp. Du kan dra ein hyssing igjennom med ein knute under tjukkaste delen. Har du ein liten pinne så kan du også stikke den på tvers gjennom – slik har fuglane noko å stå på også.

Så kan du sette deg godt til rette i godstolen bak glaset og sjå kor glade alle dei fine småfuglane våre blir. Kanskje har du på lur ein kikkert eller eit kamera også…

Ola og Jørgen bur i Stavanger. Dei er kompisar. Før jul vedda Ola med Jørgen at han kunne få samla inn ein million sjiraffar innan 2011. Jørgen vedda imot. På kort tid har Ola samla inn nesten ein halv million handlaga sjiraffar frå heile verda. Tøft. Kanskje du vil vere med? Gå til www.onemilliongiraffes.com og sjå på alle dei kule sjiraffane som er innsende. Trur du Ola vinn veddemålet?

Opne konfektøskjer og freistande kakefat og anna snadder er vanskeleg å motstå for ein hund eller katt. Så pass godt på kva som står framme på borda når dyra er åleine. I jula skjer det ofte mykje i huset, med besøk og gode måltid, og gode vanar blir gjerne endra i denne perioden.

Gløym heller ikkje at julepapir, innpakningsband og levande ljos er farleg for husdyra våre.

Seks tips for ei trygg jul for kattar og hundar

1. På julekvelden passar du på innpakningspapiret og innpakningsbanda. Pakk det bort så snart utpakkinga er over.
2. Ikkje gje hunden eller katten salt pinnekjøt eller feit ribbe.
3. Unngå sjokolade. Berre 140 gram mørk sjokolade er nok til å ta livet av ein hund på 25 kilo. Så alvorleg er det.
4. Pass godt på julekakene. Gjærdeig kan sprenge på i magesekken og gje skikkeleg mageknip. Det kan også føre til alkoholforgifting. Gjær er ikkje bra for dyremagar.
5. Pass på juledekorasjonar med planta julestjerne i. Julestjerna er nemleg giftig, og mange andre blomeslag vi nyttar i jula, er også giftige. Hald dyra unna!
6. Levande ljos, opne peisar og varme gryter er sjølvsagt farleg. Kvart år er det mange kattar og hundar som kjem til veterinæren med brannskadar. Tynne leidningar med juleljos er freistande å tyggje på for små kattar og kvelpar. Pass på!

Veslebror ser deg av Cory Doctorow

Boka er kjempespennande og du kan laste ho ned gratis!

Bestill no – gå inn på “abonnement” eller ring oss på 21 50 47 14/15

Vi sender Norsk Barneblad nummer 12 desember og JULETRE , svargåve og eit fint kort som fortel kven som er gåvegjevaren – direkte til  den heldige. I tillegg får den nye lesaren  tilsendt anten ein gymsekk, eit penal med fargestiftar, ein ryggsekk eller t-skjorte. Du bestemmer!

Og i januar får du rekninga frå oss. GOD JUL!

No er det snart berre i utmarka og på fjellet at folk som ikkje kjenner kvarandre, likevel smiler og helsar. Tenk så mykje hyggelegare alt hadde vore om alle var høflege og blide mot kvarandre. Eg merkar eg blir skikkeleg glad når eg møter folk som er høflege og vennlege mot framande. Det er vel ikkje så vanskeleg å seie hei, takk eller unnskyld når det trengst? Og vaksne folk må ikkje tru at du som veks opp i dag, lærer å vere høfleg når så mange vaksne rundt deg er slike dårlege eksempel. Men ein ting har eg oppdaga – det er kjempesmart å vere blid og høfleg. Eg får masse gratis godvilje nettopp fordi eg kan seie hei, takk og unnskyld når det trengst. Med eit smil i tillegg så går det meste bra. Det er eit godt tips for eit godt liv!

Nana

Du som har bestilt hefter får dei i løpet av få dagar. Men om du ikkje har tenkt tanken på å tene pengar på juleheftesal – ja så er det framleis tid. Klikk på “Julehefte” i menyen og les om kva du kan tene.

Her er det nemleg pengar å hente til juleinnkjøpa. Kjøper du til dømes 45 Smørbukk, 35 Tuss & Troll og 20 Juletre, blir det til saman 100 hefter. Då betalar du 23 kroner per blad til oss. Du tener altså 18 kroner per hefte, eller 1800 kroner til saman om du sel alle hefta.

Les meir under “Julehefte” i menyar på sida her.

Her finn du påliteleg faktastoff om nynorsk språk- og kulturhistorie. Her kan du lese om viktige personar, institusjonar og organisasjonar. Mange av desse er ikkje nemnde i andre oppslagsverk. For deg som er skuleelev, frå ungdomsskulen og oppover, er nettstaden midt i blinken når du treng kunnskap. Tekstane er kvalitetssikra av ein redaksjon, og har gått igjennom ein grundig språkvask før dei er lagt ut. Tenesta er gratis.

Denne artikkelen er ikkje trykt i Norsk Barneblad

Takka vere namnet sitt finn Hugo ut mykje han ikkje ante noko om. Nye venner får han også og ein rad uventa hendingar tek plass i livet hans. Ingenting kan bli som før og kva med venskapen til Ramn? Kan han reddast?

Dette er første boka av fire om guten Hugo. Boka er både spennande og morosam. Du kan kjøpe ho i bokhandelen eller låne ho på biblioteket. Du blir ikkje skuffa.

”Ringeren i Notre Dame” av Victor Hugo finst også i biblioteket om du har lyst til å lese om sigøynarjenta Esmeralda og den forkrøpla og krylrygga ringaren Quasimodo. Boka er rekna for å vere ein klassikar – ei bok som aldri blir for gammal og som stadige nye unge lesarar finn glede og grøss i. Prøv du også!

 Rakel Helmsdal er fødd 1966, og bur på Færøyane. Dei kallar meg berre Hugo er den første av fire bøker om Hugo.

I tillegg til å skrive bøker arbeider Rakel òg med teater, ulike kulturprosjekt for unge, og som gartnar, bibliotekar og grafikar. Ho held også kurs i kreativ skriving. Rakel budde fleire år i Frankrike før ho igjen busette seg heime på Færøyane.

Rakel kjem på Noregsbesøk i høve Faltiriltu, den nynorske barnebokfestivalen på Stord, første veka i november i år.

Kapabel forlag i Bergen har gitt ut Rakel Helmsdal si bok om Hugo, den første i ein serie med i alt fire bøker. Boka er omsett frå færøysk til nynorsk av Lars Moa.

Dette er ein nettartikkel og er ikkje trykt i Norsk Barneblad.

Dotter til Peter den store, tsarina Elizabeth, fann løysinga på problemet med gnagarane. Ho bad folk om å sende sine beste musefangarar til slottet. Og som sagt, så gjort. Hermitage fekk sin eigen vesle hær av kattar. Dei sytte for at ingen rotter eller mus sprang rundt i gangane, men blei til kattemat, alle som ein. På den tida var Hermitage ikkje noko museum, men det private slottet til Elizabeth. Og seinare, då Hermitage blei museum, heldt kattane fram med å bu der og gjere jobben sin. Ja, dei levde altså igjennom Napoleonskrigen, den russiske revolusjonen og første verdskrig. Men under andre verdskrig svalt kattane i hel saman med mange, mange menneske. Då den krigen var over, kom det nye kattar for å gjere jobben, og etterkomarane deira jobbar der enno.

Har du auga med deg, kan du sjå dei utanfor og rundt omkring på gardsplassane i Hermitage. Flesteparten av kattane held seg helst i kjellaren, men av og til kjem dei opp ein tur for å få litt frisk luft og litt sol.

I meir enn 200 år har kattane halde Hermitage musefritt. Bra jobba!

Au au au! Ivrige hobbyfiskarar har alltid sagt at fisken ikkje kjenner smerte når han hamnar på kroken. Men Janicke Nordgreen, Noregs veterinærhøgskole, fortel noko heilt anna. Fisk har senter i hjernen som tek imot signal om skadelege stimuli, altså kjenner fisken smerte. Fisk har dessutan nerveceller som fangar opp signal, og ein hjerne som kan tyde signala. Ja, som vi menneske. Smerte er viktig for å overleve. Utan evne til å føle smerte er det lett å skade seg sjølv. Måten fisk oppfører seg på, syner også at dei prøver å unngå smerte.

Så no veit vi det – fisk har vondt av å bli fiska, anten det er på ein krok, på ei line, i eit garn eller i ein trål.

Det ser ut som om skilnaden mellom menns og kvinners økonomi startar allereie med lommepengane. Jenter får mindre betalt enn gutar, og det seier noko om kjønnsrollemønsteret i heile samfunnet. Arbeidet med likestilling er noko vi må jobbe med heilt frå barna er små. Det krev at foreldre er bevisste på fordeling av lommepengar mellom bror og søster.

Gutane er flinkare til å spare pengane sine til innkjøp av større ting enn jentene, som ofte brukar alt dei har, med ein gong. Det viktige her er likevel ikkje korleis pengane blir brukte, men skilnaden på utbetalingane. Er det rett at gutane, frå 15 til 17 år, har i snitt kr 1835 i månaden, medan jentene på same alder har kr 1455 til disposisjon? Det er 20 % mindre enn gutane. Samla inntekt, som er løn frå ekstrajobb, vekepengar og andre pengetilskot heimafrå, er høgare for gutar, sjølv om det er like mange jenter som har ekstrajobb.

Jungle Island skriv på sine heimesider at Hercules ikkje er eit resultat av planlagd avl eller kunstig inseminering. Men dette er det ikkje alle som trur på. Organisasjonen Big Cat Rescue tek kraftig til motmæle. Avling av ligrar er ikkje bra. Ligrane får ofte store helseproblem. Tigermødrene har alvorlege problem med å føde så store ungar. Ofte endar ein slik fødsel i keisarsnitt.

Big Cat Rescue ber folk la vere å besøke dyrehagar med ligrar eller tigonar. Om ingen vil betale for å sjå dei, er det heller ingen grunn for dyrehagane til å ale dei opp.

Fakta om ligrar

• Ein liger er avkom av løve og tiger, avla kunstig.
• Far er løve og mor er tiger.
• Det motsette er ein tigon, som har løvemor og tigerfar.
• Ligrar blir enormt store.
• Tigonar blir ofte mindre enn tigrar.
• Mange ligrar lir av sjukdomen gigantonomi, det vil seie at dei sluttar aldri å vekse.
• Mange ligrar er sterile, men ikkje alle.
• Den største nolevande ligeren, Hercules, er 3,70 m høg og veg 400 kg.